Relationship me third person jaisa feel karna
Relationships ke flow me kabhi-kabhi hum khud ko bhool jaate hain. Hamare emotions hame logically sochne ka mauka nahi dete, aur hum one-sided efforts karte rehte hain bina kisi soch-samajh ke. Aksar ek waqt aata hai jab hum realise karte hain ki hum sirf ek “third person” ban kar reh gaye hain. Na toh hamara opinion maanga jaata hai, aur na hi hamari feelings ki koi importance hoti hai.
Agar aapko bhi aisa lagta hai ki aap ek outsider jaisa feel kar rahe hain apni hi relationship me, toh yeh blog aapke liye hai. Ismein hum jaanenge ki is situation ko kaise samjhein aur handle karein. Chaliye, ek naye nazariye ke saath shuru karte hain.
Relationship Mein Apna Role Samajhe: Soulmate ya Third Person?
Sabse pehla step yeh samajhna hai ki aapka relationship mein asli role kya hai aur aap apne partner ke liye kitne valuable hain. Iske liye khud se kuch honest sawal poochiye:
- Kya aapka partner aapko importance deta hai?
- Kya aapki baaton ko seriously liya jaata hai?
- Kya decisions lene mein aapki rai poochi jaati hai?
- Kya aapki khushi aur dukh unke liye maayne rakhte hain?
Agar in sawalon ka jawab “nahi” hai, toh yeh samajhna zaroori hai ki shayad aapka role relationship mein ek “third person” ka ban gaya hai.
Is situation ko sudharne ke liye apne partner ke saath khul kar baat karein. Ye samajhne ki koshish karein ki wo aapko apne rishte mein kis nazar se dekhte hain. Kya wo relationship ko lekar serious hain, ya nahi? Clear conversation hi aapko is confusion se bahar nikalne mein madad karegi.
Clear Kare Aap Khud Se Kya Chahte Ho: Apni Desire Ko Samajhna
Sabse pehle, yeh samajhna zaroori hai ki aap apni relationship se kya chahte ho. Apni expectations aur desires ko clearly identify karna ek healthy relationship ke liye bahut important hai. Iske liye kuch essential points pe dhyan dein:
- Respect: Kya aapko apne partner se izzat mil rahi hai?
- Love: Kya aapko lagta hai ki aapke partner ko aapki care hai?
- Communication: Kya aap dono freely aur honestly baat karte hain?
- Equal Importance: Kya aapko utni hi importance mil rahi hai jitni aap dete ho?
- Mutual Efforts: Kya aapka partner bhi relationship me utni hi mehnat aur efforts karta hai jitne aap karte ho?
In sabhi points ko consider karna zaroori hai kyunki jab tak aapko yeh pata nahi hoga ki aap relationship mein kya chahte ho, tab tak aap apne emotions aur feelings ko effectively express nahi kar paoge.
Important Note: Relationship kisi ek insaan ki duty nahi hai. Dono partners ko efforts dalne chahiye. One-sided relationships kabhi long-term nahi chalti. Isliye apne needs aur expectations ko samajhna aur communicate karna ek balanced aur successful relationship ke liye zaroori hai.
Partner Ko Samjhaye Aap Ko Lekar Wo Kya Soch Rahe Hain
Partner ki Genuine Feelings Ko Samajhna
Apne partner ke emotions aur thoughts ko samajhna relationship ke liye ek strong base banata hai. Yeh samajhna zaroori hai ki wo aapke baare mein kya sochte hain aur unki life me kya challenges hain. Iske liye open aur honest communication ki zarurat hai.
- Open Communication
Apne partner ke saath khul kar baat karein aur unse kuch direct questions poochhein:
- Tumhe lagta hai ki main is relationship ke liye sahi efforts kar raha/rahi hoon?
- Kya tum mere saath khush ho?
- Kya tumhe mera saath pasand hai?
Unka jawab bina interrupt kiye dhyan se suniye. Yeh unka perspective samajhne ka ek acha tareeka hai.
- Unki Feelings Ko Samjhein
Shayad aapke partner ke paas koi aisi problems ho jo wo directly express nahi kar paa rahe ho. Shayad wo busy ho, stressed ho, ya khud apne emotions ko lekar confused ho. Isliye unki baaton ko judge karne ki jagah samajhne ki koshish karein.
Life ki challenges kabhi-kabhi relationship pe asar daalti hain, isliye practical approach rakhna zaroori hai. Calmly baat karein, aur ek solution-oriented attitude ke saath aage badhein. Aap dono ek dusre ki baatein genuinely samajhne ki koshish karein, tabhi ek healthy balance banta hai.
Emotions Pe Control Karke Move On Karein
Third person tag se move on-
Agar aapko lagta hai ki aap apne partner ke liye ek third person hain.Wo aapko importance nahi de raha.And wo isko change karne ke liye ready nahi hai, toh apne emotions ko control karna seekhiye.Kyunki rishte ko drag Krna sahi nahi hota. Kisi false hope me jeene se acha hai sach ko accept karna.Yahi dono ke liye acha hota hai.
- Acceptance: Pehle toh is baat ko accept karein ki shayad yeh relationship aapke liye sahi nahi hai .Specially long term ke liye.
- Self-Care: Apne upar focus karein.
- Apne hobbies mein time spend karein.
- Apne friends aur family ke saath connect karein.
- Let Go: Yeh samajhna zaroori hai ki kya relationship aapko hurt kar raha hai.Agar haa, toh usse chodna hi better hai.Aise me self love ko priority dein.
Partner Ke Sath Relationship Ko Space De
Time and Trust ka sahara le-
Kabhi kabhi relationship mein problems tab aati hain jab dono log ek dusre ko space nahi dete. Har kisi ko apna time aur space chahiye hota hai.Isse relationship hamesha fresh rhta hai.Otherwise emotional burden ya anxiety ke chances badh jate hai.
- Trust Build Karein: Aapko apne partner par bharosa karna hoga aur unhe apni life mein cheezein independently karne dena hoga.
- Quality Time Spend Karein: Har waqt saath rehne ki jagah, thoda quality time plan karein.Aisa kuch jisme dono khush feel karein.
- Respect Boundaries: Aapka partner agar thoda personal space chahta hai, toh usse positively accept karein.Isme kuch bhi galat nahi hai.
Conclusion
Lekin agar aapko lagta hai ki aap sirf ek “third person” banke reh gaye hain, toh yeh waqt hai apne emotions ko samajhne ka. Sabse pehle, apne partner se khul kar baat karein, apne feelings ko explore karein aur relationship ko space dena seekhein.
Agar fir bhi cheezein better nahi ho rahi hain, toh aksar hum emotional distress, anxiety aur depression ka shikar ho jaate hain. Yeh bilkul sahi nahi hai. Apni happiness aur mental peace ko priority dein.
Agar aap chahein ki aapka relationship phir se pehle jaisa ho jaye, jisme pyar, vishwas aur samajh ho, toh The Karan aapki madad kar sakte hain. Unki spiritual healing aur energy alignment techniques ke through aap apne relationship dynamics ko samajhkar use heal kar sakte hain.
Agar aap apne partner ke saath ek healthy aur fulfilling relationship chahte hain, toh aaj hi apna session book karein aur The Karan ki help se apne relationship mein positive transformation laayein.
